EgypToz: ثوره ما تمت

Thursday, January 30, 2014

ثوره ما تمت



المشهد المصرى قبل ثوره 25 يناير:
السواق: يلا يا محمد...البيه نازل...البيه نازل
البواب يجرى و يفتح باب الاسانسير
البيه يطلع بالنضاره السوده و يمشى مسرعا تجاه باب العماره
البواب: صباح الخير يا سعادة الباشا
البواب يعمل تعظيم سلام
البيه بيدخل ايده في جيب جاكيت البادله و بيطلع خمسين جنيه جديده طازه من البنك...و يعطيها للبواب من غير ما يبصله
البواب يلهف الخمسين جنيه و يبوسها و يبوس ايد البيه و يقول خمس ادعيه للبيه مثل الله يبارك في اولادك...ربنا يكرمك كمان و كمان
البواب يجرى للعربيه و يفتح باب العربيه المرسيدس للبيه و يعمل تعظيم سلام تانى و يجرى لشباك العربيه و يمسحها بقطعه خيشه و ميه
العربيه المرسيدس تترك المكان و البواب يقول بصوت خافت: الله يخرب بيت ام اللى جابوك يا حرامى يا ابن الجزمه

المشهد المصرى خلال ثوره 25 يناير:
ثوره 25 يناير ثوره صدفه...الشعب ما فكرش يعمل ثوره و لا جهز نفسه لثوره و لا كان في باله اى ثوره...الشعب لقى نفسه فجأه في ثوره و قال يلا نشارك في الثوره...مالدنيا بايظه بايظه و احنا في الأول و في الاخر ميتين مش عايشين
بالرغم من ان ثوره 25 يناير من مبادئها عداله اجتماعيه و عيشه كريمه انسانيه للمواطن الغلبان البسيط الخ الخ الخ...إلا إن سبب تفجرها اساسا هو الأسلوب الوحشى غير آدمى للداخليه في معامله المواطن المصرى...و خالد سعيد كان رمز...و لولا صوره الشهيد خالد سعيد اللى اثرت على ناس كتير...و لولا الفيسبوك و التويتر...ما كانت الثوره اشتعلت من أساسه
الثوره كانت من البدايه مظاهره زى كل المظاهرات اللى كنا بنشوفها كل يوم أمثال كفايه الخ الخ... و لولا موقعه الجمل و موت الكثير من اهل المنطقه...و فكره احنا مش اقل من تونس... ما كانتش الناس أصرت انها تاخد حقها و حق دم أولادها اللى ماتوا في الموقعه
و بسبب إصرار حسنى مبارك على الرئاسه...كان إصرار الشعب اكبر على ازالته

المشهد المصرى بعد ثوره 25 يناير:
و لا استبعد انه كانت هناك ضمانات على عدم ملاحقه حسنى مبارك قانونيا و إلا ما كانش راح شرم الشيخ
و لا استبعد إن حتى لو كان حايتحاكم...قالوله نهدى نفوس الشعب اللى بتغلى بس و نعمل مسرحيه المحاكمه و اقعدلك سنتين في سجن خمس نجوم و بعدين نطلعك
و لا استبعد الإصرار على عمل الانتخابات الرئاسيه قبل الدستور علشان الأحزاب ما تلحقش تلم نفسها و يكون فيه فرصه اكبر للاخوان لفوز مرشحهم و إن الجيش يحفظ نظره الشعب ليه بعد إخفاقات المجلس العسكرى... و تنسى إن طنطاوى ساند مبارك طوال السنين اللى الفاتت
و لا استبعد إن فوز مرسى كان بسبب كيس الزيت و السكر و الرز و تشعب الاخوان في نجوع و محافظات مصر و اقتناع الغلابه إن الراجل ده مسلم و بدقن و بيعرف ربنا...و اكيد احسن من شفيق ابن الفلول
ولا استبعد إن موت عمر سليمان نور اللمبه اللى في دماغى

المشهد المصرى قبل ثوره 30 يونيو:
الكل يعلم إن الاستبن طلع فعلا استبن و إن الفجع بتاع الاخوان على السيطره على كل تروس مصر... و الرغبه في الانتقام بعد سنوات طويله من الملاحقات و التعذيب و السجون...و صلاحيات الرئيس البلهاء و الإعلانات الدستوريه اللى كانت نازله علينا عماله ترف...و الهمبك بمبك بتاع سياسه الاخوان...و غلاء الأسعار و الشلل المرورى و نسيان حقوق المواطن الغلبان و الدرنك اللى بيروح السجن لو دريفينج...و احنا هدفنا حضارات فرزس حضارات...كانت أسباب إن الشعب يقول كفايه حرام
و لا استبعد إن برنامج البرنامج لباسم يوسف كان ليه دور كبير جدا في توضيح المشهد المصرى للمواطن المصرى آن ذاك و أدى في النهايه إلى تفجر الثوره الثانيه

المشهد المصرى خلال ثوره 30 يونيو:
و لا استبعد إن تدخل الجيش في مسانده الثوره الثانيه وعدم مسانده أمريكا للثوره و احنا لو عملنا ثوره ممكن نعملها تانى و عاوزين ننجز قبل رمضان أدت في النهايه إلى خطف مرسى و إعلان فوز أراده الشعب
و لا استبعد إنه كانت هناك صدامات خفيه بين الجيش و الاخوان قبل الثوره الثانيه اسرعت باشتعالها للتخلص من الاخوان

المشهد المصرى بعد ثوره 30 يونيو:
إصرار الاخوان على رجوع مرسى كان بسبب ظنهم إن أمريكا و أوروبا ستساندهم بأسم حمايه الديموقراطيه و محاربه انقلاب الجيش
و عدم فض اعتصام رابعه بالقوه كان بسبب الآمال بأن تؤدى مفاوضات البرادعى و الاخوان بمساعده أوروبا إلى الخروج من الازمه عن طريق ضمانات عدم ملاحقه قانونيه للاخوان
و بعد فشل المفاوضات و الخوف من إن الاخوان يزدادوا مع الوقت قوه و صلابه قرر اللى قرر فض الاعتصام بالقوه و مات اللى مات
و علشان البرادعى شعر إنه اطرش في الزفه و إن ضميره امام ربنا اهم بكتير على إن العالم كله تقول عليه خاين و عميل للامريكان قرر إنه يستقيل علشان دم اللى ماتوا ما تبقاش في رقبه مسئوليته يوم الدين
 و عمرو موسى طلع ناصح و قال لك انا مش مع حد...و بلاها رئاسه و وجع القلب
و علشان الناس اتعلمت من الدرس...قرروا يعملوا الدستور المره دى قبل الانتخابات الرئاسيه
بس ما اتعلمتش الدرس و جابوا رئيس و وزراء على المعاش
و مرسى و اخوانه دخلوا القفص علشان يتحاكموا
و باسم يوسف و البرنامج اتوقف علشان بينقد بضحك على حامى الثوره الأكبر
و الشباب اللى فجروا ثوره 25 يناير اتمسكوا و اتحاكموا علشان مش عاوزين البلد تمشى
و اللى ماتوا من الجيش في سيناء بسبب الاخوان...و انفجرت قنابل يمين و شمال بسبب الاخوان...و واحده خلعت جوزها بسبب انه اخوان...و اللى كان مربى دقنه موضه حلق الدقن بسبب الاخوان...و اللى كان مسلم نص نص بقى ملحد بسبب الاخوان...و الجزيره و قطر و تركيا و حماس و امريكا و اوروبا كلهم اعداء و اخوان في اخوان
الاخوان عارفه إن مش من مصلحتها إن يحصل تفجيرات و اغتيالات الخ الخ علشان ده حيبوظ نظره الشعب المصرى ليهم... فأكيد مش حايزيدوا الطينه بله
و التانيين عارفين إن العمليات الارهابيه و نسبها للأخوان حيقضى على مستقبل الاخوان السياسى و حايزيد من فرص تمسك العسكر بحكم مصر
كل اللى في مخ المواطن المصرى حاليا هو القضاء على الاخوان ...علشان الاغتيالات تنتهى...و التفجيرات تتوقف...و الأمان ينتشر في ربوع مصرنا الحبيبه
الناس نسيت اننا عاوزين تعليم...عاوزين صحه...عاوزين اكل و شرب...عاوزين نشتغل بقه و ننتج...عاوزين نهضه...لأ بلاش كلمه نهضه علشان بتفكرنى بمرسى

السيسى مش رئيسى:
الاخوان بقت الجماعه الارهابيه...و مين يقدر على الجماعه الارهابيه إلا السيسى رئيسى...و تسلم الايادى
انا شايف كميه نفاق جماعى لا تنتهى من وقت السيسى رئيسى...بتفكرنى بأيام مبارك
ما هو الناس المتربيين تلاتين سنه على ايد مبارك ما اختفوش من يوم و ليله...النهارده عندهم مبارك تانى يعلقوا صوره في الشوارع و يرصفوا الشارع ليه بزرع و ورد و يألفوا له اوبيريت احنا اختارناك
كفايه إن فكره... لو السيسى نزل الانتخابات حايكتسح الكل... تؤكد عدم نزاهه الانتخابات...لعدم وجود مناخ ديموقراطى للمنافسه العادله...و علشان اللعب يبقى قانونى ننزل عنان ضده...و لو صباحى نزل يبقى راجل 
الداخليه مش من مصلحتها انها تتنقى...مين عاوز فيهم يتمسك و يتحاكم على اللى فات
و ايه اللى يربط الداخليه بالجيش...ملفات قديمه لم تفتح بعد؟
كل الرؤساء اللى حكموا مصر من بعد الملك كانوا من الجيش...من ناصر للسادات لمبارك
هل الشعب المصر متعود ان يبقى ليه فرعون؟
و هل الشعب المصرى عارف انه هوه اللى بيولد فرعون بنفسه؟
انظر إلى مبارك ايامه الأولى و قارن بينها و بين مبارك في أيامه الاخيره في الحكم
و مش عارف هوه ليه كل حزب عمال يتخانق على حكم البلاد...هل خوفا على المحاسبه...مش ناسيين إن فيه يوم حساب؟
احنا زهقنا من حكم الملوك و العسكر و الداخليه و الاخوان
احنا عاوزين رئيس مدنى...حاكم شاب عادل واعى و حكيم شغلته السياسه...مش جيش و مش شرطه و مش رجل اعمال و مش خلافه دينيه...حاكم عارف إنه بيشتغل للشعب...مش الشعب بيشتغل عنده و بيخاف منه
قول لى بقه مين يقدر ينتقد السيسى؟
لو السيسى بقى رئيسى ده حيؤيد نظريه الانقلاب العسكرى
لو السيسى بقى رئيسى مش بعيد اغير اسمى لبنت شابه و الموقع لايجيبت ام الدنيا
لو السيسى بقى رئيسى ده حيؤدى إلى اكتمال الحلقه المفرغه و اعاده المشهد المصرى إلى ما قبل ثوره 25 يناير
...اللى هوه انظر اول الموضوع

4 comments:

Anonymous said...

من افشخ الحاجات اللي قراتهالك؛ ارجوك استمر في الكتابة :)

شركة المثالية said...


شركة المثالية للتنظيف

شركة المثالية توفر علي ربة المنزل عناء التنظيف، والمواظبة علية بإستمرار، خصوصا وأن ربة المنزل الآن يكون عليها مهام كثيرة شاقة ولا يكون لديها مساحة من الوقت للقيام بمهام التنظيف، وليس فقط التنظيف هي من مهام الشركة بل أن الشركة أيضاً تُقدم مجموعة مُختلفة من الخدمات الأخرى التي تخدم راحة عُملائها، بالإضافة إلي تقديم مُستوي عالي من الكفاءة في تنفيذ الخدمة.
خدمات شركة المثالية:
ولأن شركة المثالية تقوم علي راحة عُملائها في تقوم بتوفر مجموعة مُختلفة من الخدمات مثل:
• تنظيف الستائر.
• تنظيف المفروشات.
• تنظيف السجاد والموكيت.
• تنظيف الكنب.
• تنظيف المجالس.
• مُكافحة الحشرات.
• رش مُبيدات.
• تسليك مجاري.
حيثُ أن لدينا مجموعة من أكفأ العمُال والأيدي العاملة، بالإضافة إلي اننا يوجد ليدنا أحدث أنواع الأجهزة والماكينات التي تُساعدنا في عملنا، بالإضافة إلي أن المساحيق المُستخدمة في عمليات التنظيف نقوم بإستيرادها من الخارج، وهي مُصرحة من وزارة الصحة ولا ضرر عليها.
كما أن شركة المثالية تستقبل تليفونات عُملائها علي المدار اليوم لإستقبال طباتهم وإستفسارتهم بإستمرار.
عزيزي العميل نُحاول أن نوفر لك جميع ما تحتاج إلية، علاوة علي ان أسعارنا لا تقبل المُنافسة.

شركة المثالية said...


شركة تنظيف منازل بالخبر

شركة تنظيف منازل بالخبر شركة المثالية هي افضل شركة تنظيف بالخبر يمكنكم التواصل معها للحصول علي افضل خدمات تنظيف المنازل والشقق والفلل والبيوت والمجالس والكنب والسجاد والموكيت والمفروشات بجودة عالية ومواصفات قياسية حيث تعد شركة تنظيف منازل بالخبر اولي الشركات التي التي تخصصت في مجالل التنظيف بالخبر ولديها خبرة كبيرة وعمالة ماهرة وادوات تنظيف حديثة وطاقم عمالة مدرب علي اعلي مستوى فلا تترددوا في الاتصال بشركة المثالية للتنظيف بالخبر وسوف تحصلون علي افضل الخدمات المنزلية من نظافة ومكافحة حشرات بارخص الاسعار

المثالي اون لاين said...

شركة مكافحة حشرات بالدمام
شركة كشف تسربات المياة بالدمام
شركة تنظيف مجالس بالدمام
شركة تنظيف سجاد بالدمام
شركة تسليك مجاري بالدمام
شركة المثالية للتنظيف بالقطيف
شركة المثالية للتنظيف بالجبيل