EgypToz: ZN

Wednesday, May 04, 2011

ZN

استيقظ فى الصباح الباكر على اشعه الشمس...تخترق فتحات شيش البلكونه...تزغزغ وجهى برفق و حنيه...افتح عينيه على منظر الجبل المقدس و هو يقف شامخا...منظر فى غايه الروعه و الجمال...جبال خضراء مليئه بالاشجار المتنوعه...اصحى فى نشاط و حيويه...اشغل الراديو على موسيقا الروك اند رول...ثم اذهب لحلاقه ذقنى...و اخذ دش فريش ساقع منعش...ثم اخرج من الحمام عاريا إلى المطبخ...اعمل كابوتشينو لذيذ...و اخبز عجينه العيش الباجيت...ثم اخرجه من الفرن طازه و اعمل توست سيمون فيميه بالزبده...و توست شيكولاته نوتيلا...و اقعد على الكرسى امام الشباك...انظر إلى طبيعه الله الخلابه...ارى العصافير تزقزق فرحه بهطول الامطار...و بعد توقف الامطار يظهر امامى قوس قزح مبهر...اذهب لالبس قميصى و الجرافته امام المرآه...و انا ادندن مع موسيقا الروك...ثم احط سماعات الموبايل فى اذنى...و اخذ اتنين سندويتش لانشن ديك رومى للشغل...انزل اركب عجلتى و انا استمع إلى موسيقا البوب...القى السلام على جيرانى الطيبين...و عامل الصيدليه...و عامله الخبازه...و عامل الكافيه على ناصيه الشارع...ثم اجرى بالعجله فى الهواء المنعش على الكوبرى فوق النهر...مع راكبى العجل المتجهين ايضا إلى اماكن عملهم...و عند وصولى إلى مملكه رولر...اقابل بحفاوه من جميع العاملين...و قبل اجتماع الصباح اذهب لاحضر كوب نسكافيه و باسكويت...و اقعد فى منتصف الترابيزه...ثم يأتى عمال المملكه لإبلاغى عن آخر الاخبار...و يستشيرونى فى الامور الهامه الخاصه بالمملكه...ثم اذهب لاستقبل زائرين المملكه الجدد...و بعد يوم عمل مثير...اذهب إلى شاطىء النهر لاقابل اصدقائى...العب بعض الالعاب المسليه ثم اذهب إلى السوبر ماركت لاشترى حاجيات المنزل...و بعدها اذهب إلى المنزل...لاجد صديقتى تنتظرنى فى شوق...تقبلنى ثم تقودنى إلى المطبخ لنعد الطعام سويا...بعد إنتهاء الطبخ نأكل على السفره امام منظر الجبل المقدس...احكى لها عن مجريات يومى...و تحكى لى عما فعلته خلال اليوم...ثم يأتى الليل...نتغطى مع بعض تحت اللحاف الناعم...نأكل الايس كريم و نتفرج معا على التلفاز...حتى تصبح جفون عينى ثقيله... تقبلنى على خدى و تقول تصبح على خير حبيبى...اقول لها و إنت من اهله...أقفل نور الاباجوره و اغمض عينى و انام.

انا مؤمن إن لكل إنسان منا نقطه زن واحده فقط فى حياته...فتره يتمتع فيها الإنسان بالرضا الكامل و السعاده المطلقه...فتره تكون كل مفردات حياته على اكمل وجه...فتره كانت احداث الإنسان كلها قبلها تقوده إليها...فتره يحلم بها الإنسان طوال حياته...إنها فتره لا تتكرر مره آخرى...و دائما ياتى بعدها حدث محزن عظيم...هذه نقطه زن حياتى...و اللى يعرفنى يعلم قد ايه كانت امنيتى الوصول لزن...فيا رب...إنى اشكرك على كل النعم التى انعمتها على... و اعوذ بك من كل حاسد إذا حسد... فدم على نعمتك... و ابعد عنى المصائب و المحن... طول فى عمرى لكى احمدك كثيرا و اعبدك كثيرا...و اغفر لى كل ذنوبى و خطاياى...وادخلنى الفردوس الاعلى من الجنه مع الرسول صلى الله عليه و سلم و النبيين و الشهداء و الصالحين...إنى تبت إليك...يا رب العالمين

3 comments:

amrali2000 said...

الله يديم عليك الZN point

بس يعني ايه ZN
اختصار لايه غير الزنك يعني ههههههه

وبعدين صديقه ايه انت يبني مش كاتب قبل كده تجربتك في الاستعداد للزواج والاختيار و و
انا فاكر قريتلك حاجه كده

مُحَمَد أُسـَامَه said...

انا مش عارف ازاي واحد عايش عيشتك دي يبقي مضايق من حاجه في حياته أصلاً :D:D

WS said...

الحمد لله أنا مش متضايق من حاجه يا مُحَمَد أُسـَامَه
أنت متضايق؟