EgypToz: بنت متناكه

Thursday, June 17, 2010

بنت متناكه

-->

بعد ما كل محاولاتى فى الغربه ما باءت بالفشل...من ضرب عشره إلى نيك صناعى قررت الزواج
قرار زواجى ده ما جاش من العطش الجنسى اللى عندى من و أنا فى ثانويه عامه لغايه ما بقيت فوق التلاتين...صحابى اللى كانوا معايه فى المدرسه اتجوزوا و خلفوا و أنا لسه لغايه النهارده بالعب ببتاعى...و لكن القرار ده جه بسبب عدم قدرتى على احتمال الوحده الشديده اللى انا فيها وكنت فاكر انها ممكن تروح فى الغربه...و القرار جه برضو بسبب شعورى بعدم وجود هدف او غايه واضحه فى حياتى...و بسبب عدم وجود متعه حقيقيه تخفف عنى أعباء الحياة و الشغل و الدراسه إلخ إلخ...و بسبب رغبتى الشديده فى وجود اطفال الحق اعيش معاهم فى شبابى...و علشان ببساطه اكمل نص دينى يا جماعه...و مش حاضحك على حد و أقول إن الجنس الحلال مش سبب من الاسباب...بس مش السبب الوحيد أو الرئيسى
و اخر السنه اللى فاتت اتعرفت على بنت اجنبيه زى القمر...رقيقه و خفيفه و بتشتغل فى مجال قريب من مجال عملى...و بالرغم من إن البنت كانت حاتموت و تصاحبنى...إلا إنى ما كنتش مهتم بعلاقه معاها...و السبب كان شخصيتها...البنت ما وقعتش فى حبها من أول نظره زى فى الأفلام...و لا حاسيت بانجذاب تجاهها...بس البنت قمر 14 من غير كلام...يمكن علشان الواحد ما بيحبش البت اللى بتجرى وراه و عاوزاه و حاتموت عليه...الراجل بيحب البت التقيله...و حاولت فى خلال شهور إنى الاقى فيها شىء يجذبنى إليها غير شكلها بس ما لاقيتش...و بعد 6 شهور البنت فقدت الأمل فيه و بطلت تجرى ورايه زى الأول...و بعد فتره بجد حاسيت بفراغ شديد و فكرت فى الموضوع تانى...و لقيت إن البنت فيها حاجات كتيره تتحب ما كنتش شايفها وقتها...منها إنها طيبه جدا و حنونه و عشريه و متفتحه و مستعده تسلم و و و...و قولت يا واد ضيعت فرصه ذهبيه من ايديك...فرصه لن تتكرر ابدا...طب كنت اصاحبها...و فعلا حاولت ارجع العلاقه تانى بس مش عارف...البنت بقت تقيله فحت... بالرغم من انها بتديلى لحد النهارده الإحساس إنها لسه و لو واحد فى الميه مهتمه بيه
الجنسيه ثم الجنسيه ثم الجنسيه...شايفين مصر رايحه لفين...طبعا أنا عايش بره الوقتى زى واحد ماشى على حبل غسيل...فى أى وقت ممكن يرحلونى هيلا بيلا على مصر المحروسه...و لقيت إن الواحد على الأقل يكسب حاجه من غربته الرهيبه دى و أخد الجنسيه زى ما فوفو المصرى ما عمل...ده الشباب المصرى حايموت و يعيش بره مصر...اقوم فى الاخر ارجع برجليه...و ايه...اتجوز مصريه

و فعلا كلمت والدى اللى بيشقى فى الدول الخليجيه فى التليفون و قولت له عن قرار زواجى لقيته انهار و غضب غضب شديد و قال إن بعد كل اللى عمله و بيعمله علشانى و التضحيات و الاراضى اللى بيشتريها و بيزرعها و البيت اللى بيبنيه و الغربه فى الخليج علشان يجيب لقمه اكلها انا و أمى و بيدعمنى ماديا فى غربتى...اجى فى الأخر و اتجوز واحده فلاحه شرموطه وسخه من اوروبا علشان تاخدك و تاخد كل اللى معاك...والدى من اول ما عرفته دماغه ناشفه زى الحجر...و قال ايه فى اخر المكالمه يقول لى ...يا اخى لو ماشى مع واحده و الا عاوز تنيك واحده نيك بس ما تقوليش...المهم تركز فى دراستك و شغلك و تخلص و تيجى على مصر تانى
الكلام بتاعه ده المنى جدا...و قولت له بقى معقول تقول لى أنام مع واحده بس ما اقولكش...هوه ده اللى يهمك...امال فين ربنا...أنا اخاف من ربنا و ما اخافش منك...و فعلا حاسيت قد ايه انا لعبه فى ايديه و مشروع عاوز ينفذه بمزاجه و خلاص
كلمت امى اللى عايشه لواحدها فى مصر...لقيتها بتقول لى إنى لما انزل زياره لمصر رمضان اللى جاى اسبوع و لا اسبوعين قال ايه محضرالى شويه بنات زى العسل...علشان اشوفهم و أنا اشاور بس و هى حاتجوزنى اللى أنا اختارها...قال احنا فى سوق الجوارى هنا...قولت لها هو احنا فى سوبر ماركت يا ماما...و بعدين حاتعرف عليها ازاى...من خلال الشات و الا عبر الاقمار الصناعيه...و الا فى خلال اسبوعين اللى ببقى فيهم فى مصر...طبعا كلام مش واقعى...و بعدين أنا لقيت إنى بارتاح اكتر مع البنات الاوروبيات...بافهمهم و بيفهمونى...المصريات ما بيدخلوش دماغى إلا نادرا...ده أنا مش عارف اعيش مع المصريين...اربط نفسى مع واحده مصريه عمرى كله...و عامه ممكن الواحد يلاقى واحده مصريه كويسه و ممكن يتجوز واحده اجنبيه تطلع عينه...و الجواز قسمه و نصيب...بس الواقع اللى انا فيه بيوقع عليه انى اتجوز واحده اجنبيه...أو مصريه عايشه فى الخارج لو لقيت...راحت امى قايله لى معقول عاوز تتجوز واحده مش فيرجين...واحده عاهره...واحده اتناكت من رجاله كتير...قولت لها هل هوه ده اللى يهمها...ده اسلوب حياتهم و ثقافتهم...همه ما عندهمش ربنا و الا دين...و البنت لازم تصاحب قبل ما تتجوز...تعرف جوزها عامل ازاى فى السرير...ممكن يطلع مش كويس فى السكس...يا عينى البنت عندنا بتعيش طول حياتها فاكره إن الجنس مع جوزها ده هوه واو اخر متعه و فى الاخر لما جوزها يسافر هنا البنت الاوروبيه بتحطه فى مرتبه "ما بيعرفش"...و مش معنى يعنى عندنا الراجل ممكن ينام مع بنات كتيره بس البنات لأ ؟...علشان عدم اختلاط الانساب ؟...و بعدين لما تسلم خلاص...و الا احنا لازم نحكم عليهم علشان جهلهم بثقافتنا و تقالدنا و ديننا
والدى قال لى اتجوز بس واحده مصريه و أنا حاصرف عليك و على مراتك و عيالك...ما هو عارف طول ما انا فى اوروبا و بادرس و ما باخدش ولا مليم و ممنوع اشتغل قانونيا...عباره عن عيل مدلل فوق التلاتين لسه بياخد مصروف من بابا و ماما لغايه لما يخلص دراسته فى الخارج و يرجع و هوه سته و تلاتين و يبتدى يكسب من عرق جبينه...قولت له و هوه فى راجل يرضى بكده ؟...و هوه انا اقدر استنى لحد امتى ؟...حرام عليكم...اهم حاجه عندنا فى مصر المنظره و خلاص...امى عاوزه ابنها الوحيد يتجوز جوازه زى اولاد صحابها و قرايبها...فرح كبير فى فندق خمس نجوم و زفه و هيصه و اوبن بوفيه و شريط فرح يتركن فى الدولاب لحد ما يلم تراب اربعين سنه من غير ما حد يتفرج عليه...والدى عاوز واحده مصريه محترمه تاخد بالها من ورث العيله و تحمل اسمه و تكون سبب إنى اعيش فى مصر و اخد بالى من كل الحاجات اللى حايسبهالى بعد ما يموت...كل حاجه محسوبه و مترتبه...علشان ايه...علشان كله يمشى زى ما مشى و حايمشى و مصر كده و الدنيا كده و انت مش حر و اخبط راسك فى الحيط
و أنا...أنا فين بقى من كل ده...فين سعادتى أنا...أنا كل حياتى عايشها علشانهم...من اول ما اتولدت و أنا بنفذ الخطه اللى همه راسمهالى...و ابويه مبسوط إنه لغايه الوقتى بيصرف عليه علشان طول ما هوه بيصرف عليه طول ما هوه متحكم فيه و انا ما اقدرش اعمل اللى انا عاوز اعمله...ابويه و امى مش قادرين يفهموا إن الحياه مش لازم دايما تمشى بالقلم و المسطره...الحياه لغز محير انا مش فاهمه لغايه النهارده...و فى الاخر كل احداثها مكتوبه عند ربنا
حياه الإنسان فيها 3 احداث مهمه...يوم ما الواحد بيتولد...و يوم ما يتجوز...و يوم ما يموت...اتنين منهم الواحد ما يقدرش يختارهم...الحاجه الوحيده اللى الواحد يقدر يختارها هى الجواز...و حتى دى أنا مش عارف اختارها...و اللى اختارها ندم...هايل...أعمل أنا ايه بقى الوقتى...انيك نفسى ؟

19 comments:

helperF1 said...

ابوك ده راجل محترم جدا ربنا يخليه لك اوعى تزعل منه او تزعله. هو فعلا عايز مصلحتك يا ريت احنا نعرف نعمل زيه كده لولدنا، انت من كلامك بتقول ابوك افنى عمره في الخليج علشان اولاده ده مش ممكن يكون راجل اناني و عايز يسطر على حياتك,
هو بس اتغرب و اكيد شاف في الغربة اللي بينام مع واحده من ظروفه و اكيد ده اللي جه في باله,

والله يا ولد انا بس عايز انصحك نصيحة و ارجوك اسمع مني انا ماليش اي غرض
مصرية او اوروبية والله مش مهم المهم الانسانة نفسها وانت بقى لك زمن في المانيا و مافيش اسهل من الحرام و مع ذلك انت امتنعت لانك فعلا بتخاف ربنا، و مش هتستريح الا مع وحدة مسلمة
وهو ده مربط الفرس، البنت هنا ممكن تحب بجد لدرحة انها تسلم ـ والله وحده اللي يعلم اللي في القلوب بس لو وحدة اسلمت علشان تكون معاك مش لوجة الله صدقني مش حتقدر تستريح معاها عارف ليه؟

لان بعد فتره هيحصل مواقف صغيرة اوي هتخليك تشك في ايمانها بالله مثلا هتلقيها بتصلى بس مش بتحرك بقها او بعد كذه سنة اسلام هتلقيها مش حافظة الفتحه مثلا و مش مخضوضة من ذلك، وبعد كده ممكن السؤال التالي يجي في بالك و مايسيبكش: اللي مزيف علقته مع الله مش ممكن يكون مزيف علاقته بيا انا شخصيا.
بكر ولا مش بكر والله ما بتفرق قول لوالدتك اول زوجة لسيدنا محمد لم تكن بكر السيدة خديجة.
عايز تفوز فعلا شوفلك واحدة اسلمت من ذات نفسها من غير ما يكون ليها صديق عربي هتعيش معاها في منتها السعادةو ماتخافش ماحدش يقدر يرميك بره البلد هناالمانيا مش مصر اصبر على موضوع الجنسية ده
دور على وحدة اسلمت منها لنفسها انا عايز اقول لك تدور فين و انشاء الله هتلاقي بس مش عايز اكتب هنا و كل الناس تقراء
if you are interested drop me an email on questionsasker@gmail.com
salam

human being said...

فيك براءة غريبة من النادر انك تسمع عنها فى الدنيا دى
بص انت لو بتحبها فعلا هتقدر تقنع الدنيا كلها
و بصراحة حتى لو عايز تتجوز لمجرد الجنس مقدرش اقولك ان ده غلط
على فكرة فى نظرى سر نجاح اى علاقة ان الطرفين يبقوا عارفين هما عايزين ايه و يوضحوا رغباتهم وتطلع مشتركة
ربنا معاك لانك فعلا انت فى وادى وباباك و مامتك فى وادى تانى
مش عارفة اقولك ايه انت محطوط فى موقف يا تخسر اهلك يا تخسر نفسك

Anonymous said...

بص يابرنس الا متأخذنيش فى اللى هاقوله . ده ايه السبهللة اللى فى العيلة دى : ابوك بيقولك ظبط بعيد عنى ؟!!! ده بدل مايسترك !! ثانيا اى راجل عندة كرامة لايقبل بأى حال ان يتزوج امراة اتدعكت قبل كدة ميت مرة وعلى كل وضع ولون .. لو كانت غير عذراء لانها كانت متزوجة فهذا امر اخر .. لكن فقدان عذريتها راجح للمرجحة والتفاريح فده اسمه زنا سميه بقى انت ثقافة الغرب او هبل الغرب لكن ده مش سليم انك تتورط مع واحدة من النوع ده وتقللى ثقافة وبتنجان طب افرض لقيتك مابتعرفش انت راخر .. تروح تتمرجح بقى مع زمايلك فى الشغل وانت راضى ؟ وبعدين ياراجل ده انت فى المانيا والالمان المسلمين من أصل تركى بالعبيط هناك تسيبهم وتروح تدور على البنات الملعوب فيها ؟ ياتسمع كلام ابوك وامك وتتجوز مصرية وتلحق تخلف وتعيش فى مصر وتمسك اللى سيبهولك وتعيش زى الناس يابنى .. ياما تدور على الاجنبية الصح ومترجعش تعيط من إختياراتك لانك فى النهاية كده كده هتعيط لما تتجوز وتضرب نفسك ميت جزمة على القرار التاريخى ده . سلامووز

WS said...

Anonymous
قصدك إن المطلقه اللى فقدت عذريتها تختلف عن واحده اجنبيه مش عذراء بس فى موضوع الجواز؟...أنا مش فاهم هو المشكله انها مش عذراء إن ده دليل على انها لو اتجوزتنى ممكن بعد كده عادى تنام مع رجاله تانيه...طب لو اسلمت و تابت برضو اقول لها لأ ما ينفعش و انتى زانيه و حتفضلى طول عمرك زانيه؟
يعنى أنا لو اتجوزت واحده اجنبيه و رجعت بيها مصر الناس حايقولوا شوف اتجوز واحده مستعمله؟و ابنى فى الكليه يقولوله يابن المتناكه؟
يعنى اتجوز مصريه جواز صالونى و اعيش فى مصر زى الناس...طب و هى الناس فى مصر عايشه؟أنا مالى بالناس...هو أنا حافضل طول عمرى عايش للناس...و هو أنا فى حياتى اللى فاتت فى مصر لقيت واحده مصريه تنفع و قولت لها لأ؟
و اضرب نفسى ميت جزمه ليه لو اتجوزت واحده اجنبيه و الجوازه فشلت...عادى...اطلقها و اتجوز واحده تانيه
موضوع محير بصراحه

human being said...

توكل على الله واتجوز
مادام حضرتك مش هتعمل حاجة حرام
فمع احترامى الشديد لكل الأراء
طظ
كل واحد بيتعلق من عرقوبه
وبعدين حضرتك بتحب واحدة و عايز تستقر وتتجوزها وحضرتك متقبل كل حاجة عنها يبقى خلاص
انت فاهم كويس ان هيبقى فيه اختلاف وفكرت كويس فى الموضوع وبعدين انا حاسة من كلامك انها مستعدة تدخل الاسلام
خلاص ادعى ربنا ييسرلك الامور وان شاء الله واهلك يقتنعوا
و ربنا يوفقك لما يحب ويرضى

Anonymous said...

طب بص يابرنس (عشان تعرفنى لانى أنونيموز) المصرية لها عيوب ومميزات والاجنبية لها عيوب ومميزات .. المصرية اهم مميزاتها هى الإستقرار والجواز والبيت والعيلة والأطفال وعمرها مهاتقولك انت مبتعرفش تمرجحنى زى شفينشتايجر ولا مش مظبط معايا ومالى لامؤاخذة .. احمم زى الواد شيلر بواب عمارتنا، المصرية هترضى بقليلها وباللى بيطلع منك عشان عيالها وبيتها . ده الإستقرار واللى بيدور عليه لازم يجرى ورا المصرية اما بقى الاوروبية فاللى بيجرى وراها ده عايز متعة وجنس وتفاريح بغض النظر عن البيت والاسرة والاستقرار وبغض النظر ايضا عما اذا كانت مصاحبة ولا لآ واذا كانت هتحترم التيس اللى قاعد مستنيها فى البيت ولا هتدور تتمرجح وهى متجوزة على الرجالة من كل لون وحجم !! وتقلى ثقافة وبتنجان ؟! اما لو كانت تابت بقى والكلام ده ومش هاترجع للفكفكة مع الرجالة فدة راجع لمقدار تسامحك وتصديقك لتوبتها وانا مقدرش انصحك انك متصدقهاش ، تانى حاجة انت بتدور على الحب وبتقول أنك محبتهاش بس رجعت فى كلامك لما لقيتها فرصة وطارت يعنى إستخسار فرصة مش أكتر ! ولو بتدور على الجنسية قلتلك خدها من واحدة مسلمة المانية من أصل تركى او المانية أسلمت من نفسها وعايزة واحد مسلم . النقطة الاهم بغض النظر عن نظرة الناس دلوقت لجواز الصالونات ، لا مصر فيها انك تحب وتختار اللى تحبها كمان وتتجوزها بس اللى يدور وعندك الكبارى عندنا واديك شوفتها عاملين أزاى كل دول صالونات .. فى النهاية النصيب هو اللى بيجمع واختيارتنا فى الحياة هى اللى بتحدد مصايرنا فى الاخر وواضح انك عندك ازمة وجود او تحقق ذاتى . فربنا يوفقنا ويوفقك للخير

Wesker said...

بص يا حوبى

بدايه أنا شاب عادى زيك مش راجل دين و لا حاجه يعنى مش هعمل عليك شيخ و الحركات دى

مجرد إن واحد يتجوز واحده (مركوبه) قبل كده ده مع إحترامى إسمه ديوث يعنى عرص و لا مؤاخذه

طبعاً يا كبير أنا مش بتكلم عليك عشان متاخدش الكلام بحده أنا بتكلم بشكل عام و بنصحك

أنت بتقول إن الست هناك بتتناك مع أى حد لأن ده راجع لثقافتهم

تمام

بس نفس الثقافه هتخليها تروح تتركب من واحد تانى و هى متجوزه و جوزها هيبقى قاعد طرطور فى البيت بداعى الحريه و الثقافه و الكلام بتاعهم اللى مش جايب همه ده

و انا عن نفسى متابع مدونتك من زمان و شكلك راجل محترم و راجل بجد مش مان :)) و عشان كده أنا بقول كلامى من المنطلق ده

زائد إن الأجنبيه بكل الأحوال مش هتستحملك

كل واحد فينا عنده عقد و مشاكل و قرف و هى مش هتستحمل ده و ممكن تخلع فى أى وقت

فخليك فى السليم يا ريس و فى الأخر القرار بأيدك أنت مش بأيد حد تانى

سلاموز :)

Anonymous said...

هو انتو ليه يا جماعة واخدين الفكرة الغلط دى عن الاجانب
على فكرة هناك برده فيه حاجة اسمها خيانة وفيه حاجة اسمها التزام و وفاء وفيه حاجة اسمها انا ست محترمة ومتجوزة راجل بحترمه
يعنى الناس اللى بتتكلم دى محسسنى ان الستات بره ماشيين ورا الجنس بس ومفيش فى حياتهم حاجة غير الجنس والست برة كل اللى يهمها فى جوزها انه بيكون بينيك كويس
مفيش حاجة اسمها كدة لأنه ببساطة اللى بيحب الجنس وعايش للجنس بس مفيش داعى لأنه يتجوز ولا حتى عشان الأطفال
كل شىء متاح واللى بتتجوز برة بتبقى عشان عايزة تعيش مع الشخص ده تحت سقف واحد و بيبقوا متفقين ع الاخلاص لبعض والا كانو اتجوزوا ليه اصلا
يا جماعة الناس برة بتعمل اى حاجة عشان هى عايزاها مش عشان مفروضة عليهم

Wesker said...

معلش إحنا بنتكلم فى نقطه معينه

إن الست اللى هتتجوز دى ( إتناكت ) قبل كده

مع العلم إنه صعب أوى تلاقى واحده أجنبيه تكون فيرجن

الفكره إنه غلط الجواز من واحده مركوبه أصلاً لأنها هتعيش الواحد فى قلق على طول ده غير الغيره الزايده بقى و الحياه هتبقى خره بالنسبه للطرفين و المشاكل هتكتر

ده غير إختلاف الثقافات و العادات دى مشكله تانيه لوحدها ...

Anonymous said...

Mafeish 7ad beye3raf ma3na el we7da fel ghorba ella elli garabha...if the girl begad nawya to become muslim out of her own determination and free will,then she is an honest person.
when this will happen,ask your heart then:do i really want to marry this girl?
2estafty kalbak we 2n aftouk..
sayedna 3eisa said, man kan menkom bela khatei2a , falyarmeha be7agar...we are all sinners in a way or another..we are humans ..angles are in the sky guys ! not on earth!
By the way, God is the only judge for other people's hearts and behaviors..not us!
everyone is playing the all knowing and starts judging others..who gave you the power to do so?
WS,begad..follow your heart.. wa eza 3azamt , fa tawakal 3ala allah.
you want to get married beneyet el 3effa wel eltezam..you look at the girl as if you will be her savior ? who knows?
may be she will be your savior and your road to heaven!
Rabena ma3ak , inshallah tetwafa2 to the right direction..2albi ma3ak!

human being said...

الرأى اللى فى الاخر ده جامد اخر حاجة
هو حضرتك رحت فين ومش بترد ليه كعادتك ؟
لعل المانع خير

Wesker said...

حلو أوى أخر رد ده فعلاً و متفق معاه بس ليا تعليق على حته معينه

sayedna 3eisa said, man kan menkom bela khatei2a , falyarmeha be7agar...we are all sinners in a way or another..we are humans ..angles are in the sky guys ! not on earth!

هل معنى كده إن البنت الزانيه ليها حق تتجوز طبيعى زى أى بنت لمجرد إن الناس كلها بتخطئ !

طيب ما هو البشر كلهم بيقعوا فى الغلط بس الفرق فى اللى بيكرر الغلط أو اللى بيكمل فى الغلط و ينفض الفرق طبعاً بيبنه و بين اللى بيتوب كبير

الواحده لو هتسلم فعلاً عشان الجوازه أو بعد الجوازه فى مسئوليه كبيره بتبقى على عاتق الزوج فى الحاله دى إنه يعرفها بدينه صح و دى أهم حاجه لأن ربنا هيسأله على الكلام ده

و عموماً يا ولد شاب دقق فى الإختيار و ظبط أمورك بنفسك لأن محدش هينفعك

إختيارك دلوقت هيتبنى عليه حاجات كتير قدام فياريت تبص للأمور كلها بنظره شامله و إحسب كل حاجه مظبوط و توكل على الله بعد كده

Anonymous said...

I will say it again,elli garab el ghorba fe3lan ..ghorba in a foreign country mesh dawla 3arabeya..will understand the situation of WS.
WS,truly..i have tested it myself..open your heart to her and give her a chance to know you better..let her know about religion,keeping in mind that we were all born muslim..muslim here means that we put our lives in the hands of God and we accept his choice and destiny.
Forget about the traditions and customs and virginity..look at the woman herself..is she a true person?a good honest one?is she having a personality of her own? does she make her own choices?
Open the door to her to know religion..and let her go through it..take it easy on her ,step by step..see what will happen..
El eiman bellah is a gift from God, he is the only one who will open her heart to his light...
Just be her guidance for the time being and let God do the rest..
What i like about foreigners is that they are true..they do not give you fake feelings because they are true to themselves.
I strongly support you in going through this experience..May Allah open the doors of happiness to you.
Please keep in mind that nothing, by all means ,in this life is guaranteed..no matter what precautions you take and no matter how meticulous or cautious you are..nothing is guaranteed!
If you will find home with her..go for marriage
All my prayers to you :) ...by the way i am she not he

Anonymous said...

غريبه اوى حكاية الرجاله دى البنت سلمت نفسها يبقى ماتتجوزش تانى ماهى سلمت نفسها لندل كانت فاكره انه بيحبها ندل راجل ياترى الحل ايه انها تعمل ترقيع وتتجوز ولا تقول بصراحه للى هيتقدملها فطبعا يسيبها ولا طالما غلطت نحكم عليها بالموت دا حتى حد البنت البكر فى الاسلام الجلد مش الرجم عشان محدش يقول تموت دا ربنا رحيم ليه الناس قاسيه كده انا حبيت وسلمت ولما حبيت تانى لمدة ست سنين مش عايزه اغضب ربنا ست سنين وانا بتمنى الراجل التانى لكنه عشان عرف حكايتى مش عايز يتجوزنى ست سنين وانا مانعه نفسى اسلم تانى بس عشان بحب ربنا المهم اخر الكلام لو عايز تتجوز اجنبيه وشايف انها بتحبك اتوكل على الله وسيبك من انها جربت لو بتحبك اكيد انت حتحس

Anonymous said...

بص ياباشا واضح من كلامك وتعليقات كل الشباب هنا وردودك عليهم انك فى حاله مش مستقره دلوقتى وانصحك مش تاخد تفكيرك دلوقتى على انه الصح او السليم لانك مش شمستقر لا عاطفيا ولا اجتماعيا ونصيحتى ليك حدد هدف ليك فى الحياه بشكل اعم واشمل من مجرد الجواز لقضاء حاجه فى الحلال من وجهة نظرك بغض النظر بقى عن مين هتتجوزها زى ما فى بنات اجانب مستعملين باللفظ زى ما اتقال فى بنات عرب ومصريين بردو كدا انا عايز اقولك بس ان النقطه دلوقتى هى انك تحدد هدف لحياتك كلها ومن دلوقتى حدد اهداف مرحليه ابدأها بالجواز بس ممكن تنزل مصر اجازة شهر تتجوز وتسافر تانى ومعلش هتستحملك فتره على ما ترجع بشكل نهائى زى اى حد مسافر فى الغربه يشتغل واللى انا واحد منهم واهى المسكينه مستحملانى
وفى اخر كلامى بدعيلك ربنا يهديك الى الاصح دايما
سلامنجاااااااا

¤عمر¤ said...

الدين الأسلامي لا يحل الزواج من كافرة

Anonymous said...

شوف انا مش مصري,بس مسلم و حصلي نفس الي حصلك بالتمام,في الاول الاهل اكيد ماوافقوش,لان اكيد خيفين عليك و عوزين يفرحوا فيك,ما تلمهمش هم عاشو كده.بس في الاخر هم يهمهم انك تكون مرتاح و مبسوط ومن دون مشاكل.انا ساكن في اوروبا و الفرح ما يعني لي الكثير.بس ما تتسرعش اعرف البنت اكئر,لتئبت لابوك و امك ان زواجك ناجح.ما تردش على العبطه دول اذا عاشرت قبل الزواج حد,الله غفور رحيم,حاول تسلمها حبة حبة,وما تستعملش العنف ابدا حتى بعد الزواج.الي انتقدك هو بغير منك,انا نفس الحالة بالتمام و الحمدلله بقالي 3 سنين و مستنيين ولد و مرتي اسلمت,بقى يا سدي الاهل مش المشكلة الكبيرة,المهم البنت نفسها تاكد انها صالحة و بتحبك و حتضحي علشانك ,وتعيش معاك الحلوة و المرة .سلام :)

Anonymous said...

I lived what you cannt live..Just another Egyptian like you but I broke all the walls..and challenged everything..contact me if you would like to know more. my email: dalneta@hotmail.com, make your email subject Egyptian abroad.

Anonymous said...

اولا احب اشكر الاخت اللى كاتبة بالانجلش كلام رائع ,بعد التعليقات الكتيرة اللى مليانة تخلف وجهل بالغرب احب اقولك اهلك مش عايشنلك العمر كلة خد قرارك بنفيك لأن دى حياتك مش حياتهم انتى اللى هاتعيشها مش هما,الاجنبيات مش شراميط زى ما المتخلفين هنا شايفنهم كدة دول ناس ليهم ثقافتهم وعاداتهم مش اى واحدة بتنام مع واحد هناك بتكون شرموطة لا لكن بتكون بتحبة من غير رغى كتير اتأكد من مشاعرك ناحيتها هل انتا بتحبها فعلا ولا جوازة مصلحة وهل هيا بتحبك فعلا ولا لا اتأكد من الاجابات وهاتعرف الجوازة دى هاتنجح ولا لا لو انتو الاتنين بتحبوا بعض فعلا كل المشاكل والاختلافات اللى بينكم سواء على المستوى الثقافى او الدينى هاتتحل بالتفاهم الموضوع مش صعب ابدا اذا كنت انتا فعلا عاوز الجوازة دى تنجح .