EgypToz: مبروك لمصر الـتأهل لكأس العالم

Saturday, November 21, 2009

مبروك لمصر الـتأهل لكأس العالم


مبروك لمصر...مليون بليون مبروك...اخيرا نقدر نفرح...اخيرا اتحقق الحلم...حلم المونديال...الله أكبر...الله أكبر...أنا فرحان...فرحان أوى...تانى مره ابقى عاوز اقول للعالم كله إنى مصرى...أيوه مصرى...و فخور انى مصرى...ياااه...من زمان و نفسى بقى المنتخب يروح كاس العالم... و نلتف حول التلفزيون و نشجع بلدنا...و الحمد لله...و الشكر لله...إننا دخلنا كأس العالم... يااه لحد الوقتى مش قادر اصدق... 18 نوفمبر ده بقى يوم تاريخى...يوم ما انتصرنا على الجزائر واحد صفر...يا سلام يا زيدان...و الجول اللى دخلته فى شباك مرمى الجزائر...جول التأهل لكأس العالم...جول القرن...جول ادخل الفرخه فى قلوب ملايين المصريين...بالعزيمه و الاصرار قدرنا...يوم لن ننساه فى حياتنا و حياه احفادنا...عيد قومى...الفراغنه عملوها...و دعاء الميت مليون مصرى اتحقق...و حنلعب على الكاس...مش أى كاس...ده كأس العالم...اهم حدث رياضى عالمى...الشعب اتوحد...الرجاله و الستات...الغنى و الفقير...المسيحى و المسلم...الكبير و الصغير...كله بعد الماتش مسك الاعلام...و مشى فى الشوارع...ينادى و يقول مصر...مصر...مصر...مش قادر امسك دموع فرختى...انت معلم يا شحاته...و ارقص يا حضرى...و ابو تريكه الكينج...زيدان يا زيدان...لعبك جنان...كل الفريق القومى محتاج تعظيم سلام...و الجمهور المصرى الكبير اللى راح ورا فرقته السودان علشان يرفع علم مصر فوق...فوق السحاب...النهارده اقدر اقول مصر هى أمى...أيوه أمى و مش مرات ابويه...حنرفع راس مصر...و الأمه العربيه كلها... إن شاء الله 2010 فى جنوب افريقيا...حانروح وراك يا شحاته...و من النهارده حاعلق علم مصر فى الأوضه...حافضل اقول مصر مصر مصر لحد ما ناخد كاس العالم إن شاء الله فى 2010...بعد ما كان حلم المونديال فى خبر كان...عملوها الفراغنه...المعجزه...تعبوا و شقيوا و اتدربوا و اجتهدوا و عملوها...حققوا المستحيل...فرحونا يوم السبت...و اسعدونا يوم الاربع...و كل يوم بعد يوم الاربع...18 نوفمبر...إلى مدى الحياه...الليله عيد...و العيد فرخه...و لمصر مبارك







































6 comments:

Abderrahman said...

دي بركة دعاء المصريين

المعلم برعى صاحب القهوة said...

لامؤاخذة يابشمهندز انت شارب حاجة ؟ ويسكى ؟ كونياك ؟ كوللله ؟ مصر مين ياولدى اللى وصلت لكأس العالم ؟ وبلاش والنبى أسلوب العكسى بتاعك ده لانك جننت اللى جابوناوهتخلينى منورش الضلمة اللى انت عايش فيها دى بالرغم ان مدونتك عجبانى بس بلاش التوهان ده يابن الناس!!

mohammed said...

ايه الصور دي؟ انت رجعت من بره ولا ايه؟
مش قلت انك هاجرت و فرحنالك؟
ولا انت بتشتغلنا؟

WS said...

ايوه يا عبد الرحمن
ربنا تقبل و الحمد لله دعاء ملايين المصريين اللى كانت امنيه حياتهم انهم يشوفوا منتخب وطنهم بيلعب فى كاس العالم
برغم الغم و الهم اللى فى بلدنا...بس عندنا الوقتى حاجه بتفرحنا
و ده مش معناه اننا نتكاسل
لازم من النهارده نبدأ نرسم خطه و نستعد
مش نيجى فى آخر دقيقه قبل المونديال و نقول فينك يا منتخب
بس أنا واثق إن منتخبنا حايشرفنا و يرفع راس مصر فى كاس العالم 2010
زى ما رفعوا راسنا فى بطولات افريقيا

WS said...

لا مؤاخذه يا معلم برعى صاحب القهوة
انت اكيد واحد جزايرى حقود على منتخبنا الوطنى
مش علشان انتم اتغلبتم مرتين
تقوم تقول لى ويسكى و كونياك
عيب...بجد عيب
خلى عندك روح رياضيه يا بنى
و فى الاول و فى الاخر احنا برضو اشقاء عرب
و قصدك ايه باسلوب عكس؟
اكيد انت اللى شارب كوللله
بص...منتخب الجزائر اتغلب و ده واقع لازم تتقبله يا بن الناس

WS said...

mohammed
دى صور لما نزلت أنا و صحابى فى شارع جامعه الدول العربيه نحتفل مع الشعب بعد ما اتأهلنا لكاس العالم 2010