EgypToz: جهنم

Wednesday, May 07, 2008

جهنم


حاجتين ما غليوش

الحشيش و النسوان

6 comments:

مــهــا said...

إيه ده ؟ ماوقعتش فى إيدى التذكرة المفترية دى ..اللى حاطط الختم زى ما يكون بيقولنا غصب و إقتدار يا ولاد ال...

أنا وقعت فى إيدى تذكرة شبه دى ..بس جم عند ال 1.10 و قطعوها ..بطريقة شيك كده
تليق بالتمن الجديد ..

بخصوص الحشيش و النسوان
أكيد الإتنين ماليش فيهم

WS said...

مها

بصراحه انا ما كنتش متخيل إن الحال حايوصل لحد كده

بالذات بعد لما كنا فى هاواى

http://egyptoz.blogspot.com/2008/01/blog-post.html

المفروض إن همه قالوا ما يغلوش على تذاكر النقل العام

بس مين حايسمعلهم بعد كده

و دى يمكن الحاجه الايجابيه فى الموضوع

إن الناس حاتبتدى تعمل اللى فى دماغها

و يارب بس تعمل كل اللى فى دماغها

و بخصوص الحشيش و النسوان
ليه كلمه أكيد

الوقتى كل حاجه بقت ممكنه
حته لو اسمك مها

:)

Wild at Heart said...

ليه كده الكلام اللى يزعل ده
كان ممكن تكتب كلمة تانية غير الكلمة العامة "نسوان"
لكن إن الستات كلهم تعاملهم كأنهم بتمن
ليه كده

WS said...

wild at heart

عندك حق...غلط إن الواحد يتمن النسوان
بس ده لو اخذتى كلامى بمعناه الاصلى
يعنى بالحشيش و النسوان انا مش قصدى الحشيش اللى بنحشش بيه و النسوان بتوعنا و خلاص
انا قصدى المشهد العام فى الموضوع

بصراحه انا ما باحبش اشرح بوست
بس انا حاسس قد ايه جرحتك
علشان كده حاحاول اوضح لك بس الموضوع ده

انا زمان فى بوست قديم كنت باتريأ على موضوع الفلوس و إن الدنيا بقت غاليه اوى و لا تستحمل و سميت المكان اللى احنا عايشين فيه هاواى...و هاواى ده المفروض إنه مكان جميل الواحد بيعيش فيه...ماقولتش باراديس أو الجنه علشان ده مش على ارض الواقع و مش على كوكب الارض...لكن قولت هاواى...و ده كان اقصى تصور للحاله المتدنيه اللى احنا بقينا عايشين فيها

بس بصراحه الوقتى ما باقيناش عايشين فى الواقع خالص...بقينا فى عالم آخر...بقينا فى جهنم عدل

فى جهنم النار بتغلى...و علشان كده كل حاجه غليت...كل حاجه بمعنى كل حاجه...يعنى مش السلع و الاشياء الماديه بس...و لكن الحاجات المعنويه كمان...كالحب و الصداقه و الترابط و الاخوه الخ الخ

النفس البشريه غليت من بره و من جوه

و السبب إن الحشيش ما غليش علشان الحشيش ده الحاجه اللى الانسان البسيط بيستخدمها علشان يهرب بيها من واقعه الاليم...حاجه تجلب له السعاده المؤقته...حاجه تنسيه الدنيا و همومها و مشاكلها

و كل ما الدنيا تغلى ...و الهموم تكتر... سوق الحشيش حاينتعش... و بتوع الحشيش حايكسبوا اكتر... و الناس حاتحشش اكتر... فاللى غلوا الاسعار حاينبصتوا اكتر... علشان اكتر الناس حايبقوا مغيبين عن الوعى... و المغيب عن الوعى ده بيبقى انسان ضعيف ما بيفكرش و لا يستطيع ان يأخذ قرار صائب... فيقدروا يعملوا فى الناس المحششه بعد كده اللى همه عايزينه... و هكذا

اما النسوان...فانا اقصد إن الستات فى جميع الاحوال مجلب السعاده الاخير و الوحيد و منفذ الهروب من الحاله المحبطه لكل الناس...فالرجل المتزوج مصدر سعادته اللى من غير فلوس و الا تمن هو زوجته...جنس ببلاش يعنى...فالعلاقه الزوجيه تكفى بأن يكون اوكيه

و حتى الغير متزوج...فالعلاقات الجنسيه تجلب له السعاده...و اسعار سوق الدعاره مازالت كما هيه لم تتغير...بل و اصبح هناك نسوان تعطيك ما تريد بدون مقابل

بس الشباب اللى مش متزوج و ملتزم دينيا و مش قادر على الزواج و مش عاوز يزنى علشان يدخل الجنه و البنت اللى اهلها مش عاوزين يجوزوها علشان عاوزين كذا و كذا و كذا من الشاب اللى بتحبه علشان الدنيا كده كده غليت...حايلاقوا نفسهم دخلوا جهنم اللى على الارض من غير ما يحسوا علشان عاوزين الجنه اللى فى الآخره...اكن واحد بيقول للشاب ده ما تسيبك من النسوان ابو فلوس...ما تسيبك من الحب و سنينه...ما فيه نسوان رخيصه و ما غليتش

و من كلامى كده الوضع اللى احنا فيه بقى اكننا فى مكان مظلم سىء ممتلىء بالشياطين...مكان بيتحول من سىء إلى اسوأ...دوامه صعب نطلع منها...و بس

Rain_Drops said...

انت طمنتني يا بني و الله ، معقول فيه حاجتين لسه ماغليوش ، دا حتى لو مالناش فيهم يا عم لازم بقى نستغل الفرصة
;)

Wild at Heart said...

WS
متشكرة على الشرح...وبالرغم من إن دمي بقى بيتحرق كل ما أنزل الشارع وأتعامل مع الناس اللي بقت عاملة زي السمك بتاكل بعض من غير رحمة...بس لسه عندي أمل إن أكيد فيه ناس عندها أخلاق ومش حتتنازل عنها مهما كانت الضغوط المادية أو المعنوية، زيي وزيك وزي أصحابي وزي كتير من المدونين المحترمين وزي العيال اللى ممكن أجيبهم في المستقبل...حربيهم على قيمة الأخلاق مش المادة...وهو ده الأمل الوحيد
وعلى فكرة حتى لو زعلتني، أنا مصرة إنك عبقير وحاتفضل طول عمرك عبقري
تحياتي