EgypToz: أنا لابسه بدله رقص ... و فى بيت دعاره

Tuesday, December 19, 2006

أنا لابسه بدله رقص ... و فى بيت دعاره

لما الموظف يرجع اخر النهار همدان و مش طايق نفسه و يلاقى ام العيال جياله تقوله الواد محتاج ياخد درس خصوصى و البت عاوزه شنطه جديده بدل اللى اتقطعت و جبتلك موز و برتقان و موستافاندى و كمان كيلو كوسه علشان اعملهم محشى و ايدك بقه عالفلوس...حايجيلو منين بقه شهوه علشان ينام مع مراته... يا عينى همه الشويه اللى كانوا بعد شهر العسل و الشويه اللى جاب بيهم العيال... و خلاص على كده... بيتفرج على الافلام الاجنبيه فى التالافازيون و الافلام الثقافيه عالدش و يقول الناس دول بيعملوا الحاجات دى ازاى... و يفتكر يا عين امه انه مابيعرفش و محتاجله برشام والا علاج هرمونافسى... ما طول النهار دايخ فى البلد و جاله يييه ميت مره اكتئاب... الضغط يا بيه... الضغط و السكر هوه اللى مضيعنا... ما مالظروف الاقتصاديه و السياسيه اللى فى البلد... مش شايف البلد بقت عامله ازاى... يجيلى انا نفس منين بقه... الست تقول لك ده الراجل بييجى مالشغل عالسرير طوالى... مش عالشانى السيكو سيكو ... ده عالشان ينام... و كل يوم بالنظام ده...دى بقت عيشه تقرف... طب بص بس على كرشه و انت تعرف كل حاجه... تسأل الراجل فينك يا روميو... فين الرومانتيكا... يقوللك هوه انا حيلتى اللضه... طب فين بتوع ميلودى... ده لما بصحى من النوم على وش الست اللى جنبى بشعرها اللى عامل زى سلك المواعين و جسمها اللى بقه عامل زى جبال الهيمالايا بس من غير تضاريس بيجيلى خضه و اقول انتى مين... انتى مين... دانا مراتك يا معلم... مش عارف كنت شارب ايه لما اتجوزت البتاعه ده... يعنى استخدمه ازاى ده دالوقتى... يعنى اسفر العيال عند ام امهم علشان يخلالنا الجو... وا روح افسح ام العيال عالكرنيش و اكلها دره و جيلاتى...اجى اقوللها ياللا بينا بقه عالبيت ورانا شغل... تقوللك ورانا ايه...ورانا ايه... الجو ادام النيل هنا احسن يا محسن... و لما الوقت ياخدهم و يتأخروا و يرجعوا بسرعه عالبيت قبل ما تيته تجيب العيال... ياخدها تيك اواى تقول له ماينفعش السيستم ده معايه... انا محتاجه لسه... يقوللها محتاجه ايه يا وليه... ما خلاص... تقول له خلاص ايه يا محسن... دول ماكملوش دقيقه... زمان كنت خمسه... دالوقتى بقيت دقيقه... فينك يا محسن... ليه كده يا محسن... يقوم يقول لها هومه دول اللى عندى... عاجبيك و لا اطلقك... تقول له...لا... إلا الطلاق...تهون عليك العشره... تسمع ماما ماما... يقوللها يلا فزى قومى شوفى العيال... طب لو تو كابلز عايشين فى اوضه متر فى متر... و جابولهم عيال و مش عارفين يسرفوهم... يا ترى يعملوا ايه... انا باقترح يخدوا داى اوف سويت فى موفينبيك الهرم علشان ما فيش حد مالعيال يعرف هوه حصل ايه و لا فيه ايه... او يقولوا للعيال روحوا جيبوا شوكولاته من المحل اللى بعيد بعيد ده... بس الواد سيد مش عاوز يمشى مالبيت... يا واد امشى... بطل رخامه ياض... امشى بقه لاحسن اخللى ابوك يضربك... يقوم يعمل نفسه ماشى و يستخبى فى بير السلم... بعد شويه يسمع صوت امه بتصوت... يجرى جرى و يروح داخل الاوضه فجأه و يقول مالك يا امه

11 comments:

OpeRon® said...

This reminds me of "Berem el Tonsy" Style of writing.. Explicit as it is, I still like it

Good work

Anonymous said...

دمك خفيف يا مضروب

Anonymous said...

Very nice,Very true,somehow painful,good work.

Anonymous said...

My favorite bits:

"ده الراجل بييجى مالشغل عالسرير طوالى... مش عالشانى السيكو سيكو ... ده عالشان ينام

"دانا مراتك يا معلم

"محتاجه ايه يا وليه... ما خلاص...

"بطل رخامه ياض

but the title is a bit irrelevant.

Anyways .. Don't you think that this scenario will apply to you wen we hit this stage in our lives? makes me appreciate being single :)

walladshab said...

mo'men,
you are absolutely right,the title is not a bit irrelevant,the title is totally 100% irrelevant,don't you think so!

محمود عزت said...

الله يخرب عقلك ّ!

walladshab said...

ما اتخرب خلاص،شكرا يا محمود

kareem said...

طيب فين بقا بدلة الرقص ؟؟؟
و فين بيت الدعرة ؟؟؟

عموما البوست جميل
و لو ان العنوان يعنى مالوش علاقة بالموضوع غير ان الاتنين بيتكلموا عن السيكو سيكو

و محسن
حلو الاسم ده

ههههههههههههه

اول زيارة لمدونتك
كريم

walladshab said...

عزيزى كريم

الموضوع باختصار بيتكلم عن فطور الحياه الجنسيه بين الزوج و الزوجه
بمعنى اخر تأثير روتين الحياه فى مصر على العلاقه الحميميه فى البيت

البوست اقتراح لأى زوج و زوجه فى التجديد و التغيير بطريقه اللقاء الجنسى بينهم

فى الحقيقه فى واحد قبلك يا كريم علق على موضوع العنوان و قال انه مالهوش علاقه بالموضوع

و انا كبرت دماغى و قولت
ماشى

عندك حق فعلا مالهوش علاقه علشان انا ما بحبش اشرح بوست انا كاتبه

بس لما الموضوع اتكرر لازم بقه اشرح

العنوان مختصر الرساله اللى انا عاوز اقولها باسلوب خفيف و ظريف
و هو ان على الزوج و الزوجه
انهم يتخيلوا ان بيت الزوجيه ده مملكتهم الخاصه و يفرفشوا كل البيت كأنه بيت دعاره
و مش لازم كل لقاء بين الزوج و الزوجه يكون بنفس الاسلوب و بنفس الطريقه النمطيه زى ما بيحصل كتير أوى فى مصر

يعنى الزوجه مثلا ممكن تلبس لزوجها بدله رقص
و اللقاء يحدث مثلا فى المطبخ أو حجره المعيشه

يعنى البيت يكون كله زى بيت الدعاره
بما فيها من مسليات و اغراءات علشان نطلع بره النمط الممل للعلاقه

و من هنا جه اسم العنوان
اللى مقتبس من فيلم ايظن او بمعنى اصح من الثقافه الشعبيه الهابطه المصريه

انا سعيد بزيارتك يا كريم

Anonymous said...

النمطية في العلاقة الزوجيةما بتتغير من ناحية الزوجة الا اذا شكت انه زوجها راح يتزوج عليها

walladshab said...

نظرية قد تكون صحيحه
اتظن؟؟؟