EgypToz: ( I ) جمهورية فسادستان المحروسة

Saturday, November 25, 2006

( I ) جمهورية فسادستان المحروسة

الافتتاحـــــــــــــــــــــيه
كان يا مكان
فى يوم من الايام
و زمن من الازمان
جوه بلد من البلدان
شاب من الشبان
قال يا سلام
ليه حوت من الحيتان
كسبان و شبعان
عالكرسى ينام
و الكل جعان
نسى انه انسان
بكره فى النسيان
قوم يا جبان
قبل فوات الاوان
و همه يا جدعان
شيلوه من المكان
و ارموه فى الميدان
و اضربوه بالاقلام

قولوا بكلم كام
بكلم كل شقيان
من الهم تعبان
و نفسه فى الجان
يجيبله مرجان
و يزرعله بستان
بكل الالوان
بس يا كحيان
آن الاوان آن
مش كفايه تكون هيجان
و عالطول زعلان
و من ناسك طهئان
و على روحك قلقان
ترضى تعيش فى غيام
و تاكل اكل فسدان
و تفضل كده ضعفان
وتصبح فى يوم عيان
و تموت و انت جربان
يا اخى ده يبقى حرام
ويصعب عالكفران
نقول كمان

حيوان جبلنا الجنان
فينك بقه يا امان
لم علينا الدبان
و خلى الكل طفشان
متبهدل قرفان
مدايق غضبان
مالبلوه خلصان
كنت فى يوم فجعان
جاى تفترى كمان
طب فكر فى العطشان
ده برضك غلبان
مش زيك سكران
وهمه فى النسوان

سيبك من الاوهام
و البص فى الفنجان
اصحى يا سرحان
بينا يا شجعان
الحلم مش للكسلان
والحرية مش بس كلام
عاوزين قوه يا فرسان
نهش بيها الغربان
شمروا الاكمام
و هيلا هوبا لقدام
نغطى العريان
لا يموت بردان
و نلاقيك كده فرحان
فنعيش سوا فى سلام
والدنيا تبقى تمام

3 comments:

كبير المتشردين said...

اسلوبك رائع في الكتابة اتمني لك التوفيق ولكن الا يستحق الواقع نظرة مختلفة يمكن يكون في حاجات انت مش شايفها احنا من قدام شاشة الكمبيوتر مش بنشوف اي وراها

walladshab said...

وراها ايبنشوف ، مش الكمبيوتر شاشة قدام ، مناحنا شايفها ، مش انت حاجات فيكون... يمكن

الواقع فعلا يستحق نظرة مختلفة، كبير المتشردين،ثانكيو فرى ماتش كوره ببلاش

Dr. Zeus said...

حلوة....وغريبة