EgypToz: Egyptian Shakira

Sunday, October 08, 2006

Egyptian Shakira

I saw her in my college…she was sitting on a car chatting with her friends … with her dark golden hair, mellow clothes, hippie style and wild chilli looks…she looks like someone ready for an adventurous walk in the Egyptian Sahara…I stood behind a tree watching her…I wanted to talk to her…to know what things she likes…what type of music she hears…then she recognized that I was looking at her…I turned my head to the books I was holding and stood frozen like a coward behind the tree…she was the girl I was attracted to…I wanted to be close to her…to be one of her best friends…to go out with her…just as friends…hey guys, it does not have to be always about love, relationship and marriage…just pure friendship…cause this style of down to earth girls are very hard to find in Egypt…most girls here like to look very chic…with full make up…childish…too romantic and to be treated like a queen…
Yesterday on my way to the Taraweeh prayer I saw her suddenly walking beside me holding a Tarha and a small prayer carpet…I could not believe myself…am I in a sweet dream…she is living near my house…cool…she is my neighbor…great…she is so close to me…emmm… so Egyptian Shakira…how can I talk to you? What is your name? I will call you AichaAicha, Aicha écoute moi…Aicha, Aicha t'en vas pas…Aicha Aicha regarde moi…Aicha Aicha réponds-moi.

Je dois faire quelque chose.





my updated diary
النهارده انا مشيت وراكى فى الكليه
دخلت وراكى السنتر
دخلت وراكى الدرس
جلست وراكى
قولتلك تقفلى المروحه
سمعت ضحكتك الشقيه
انتى بعد شويه فتحتى المروحه
قولتلك تقفلى المروحه تانى
بعد الدرس ما خلص سألتك عن مواعيد الدروس
كتبتها على كف ايدى
مشيت وراكى و انتى خارجه من السنتر
قولتلك و انا ماشى وراكى انى شفتك و انتى رايحه التراويح
قولتلك انى جارك
صحابك قطعوا كلامنا علشان يخدوكى معاهم الكليه تانى
بسرعه قولتلك اسمى
انت قولتيلى اسمك
قولتلك باى
ده كان من اسعد ايام حياتى

علشان اكون صريح معاكى انا بحبك بس انا مش عارف اعمل ايه دالوقتى ، انا عاوز اشرحلك موقفى ، بس مش عارف ابتدى ازاى أو اقول ايه ، انا متلخبط جدا ، انتى عارفه انا نفسى اقوللك انى بحبك بس مش عارف رد فعلك حيكون ايه ، انت الانسانه اللى انا بتمنى اعيش معاها عمرى كله ، و اول لما شفتك عرفت كده عالطول ، مش عارف اوصف الاحساس ده ازاى ، بس انا حسيت انى عاوز اشوفك كل يوم ، طول النهار و الليل ، انتى جميله اوى ، كل حاجه فيكى جميله ، و لما اتكلمت معاكى شوفت جمال روحك ، ياااه ماتعرفيش اد ايه انا كنت مبسوط لما اتكلمت معاكى ، بالرغم من انهم كانوا تلات جمل بس كنت حاسس انى طاير فوق فوق فى السما ، انا عاوز اقوللك على اللى جوايه ، هوه ممكن تحسى انه كلام غريب بس بجد نفسى تفهميه ، انا مش من الناس اللى نازله الشارع مخصوص علشان تدور على شريك الحياه ، او راجل قاعد فى صالونات ينقى من بين ستات ، او شاب عاوز يصاحب بنات يتسله بيهم ، انا بؤمن بالحب ، و بالذات بالحب اللى بييجى طبيعى من غير ما الواحد يعمله حساب ، و على فكره انا ماكنتش متصور ان ده ممكن يحصللى بالطريقه دى ، بس اول يوم شوفتك فيه حسيت ان الحياه دخلت فى جسمى تانى ، و الوقتى انا فى موقف صعب ، موقف صعب جدا جدا جدا ، لإنى ماعرفكيش و لا اعرف حد يعرفك ، و ما فيش عمل بيربطنا مع بعض ، انا ممكن اسهل على نفسى اللى انا بعمله معاكى دالوقتى و اروحلك و اقولك انى معجب بيكى جدا ، بس انا ما بحبش الطريقه دى ، الحب مش بالعافيه ، و الاعجاب مش خبط لزق كده ، انا نفسى انك برضو تحبينى زى ما بحبك من غير ما اقولك انى بحبك ، نفسى الحب يبقى طبيعى و جاى من الطرفين فى نفس الوقت ، انا عارف ان ممكن ده مايحصلش بس نفسى اوى انه يحصل ، و لو حصل حابقى اسعد انسان فى الدنيا ، و انا عارف ان الموضوع ده ممكن ياخد وقت ، سنين ممكن ، و كمان ممكن تعجبى بحد تانى ، او حد تانى يقوللك انه بيحبك و توافقى عليه ، و فى نفس الوقت عندى مشكله كبيره جدا ، انى مش عاوز يتكرر اللى حصللى من ست سنين فاتو لأنى كنت ماشى بالمبدأ ده و اتجرحت جدا فى الاخر ، و كمان الوقتى انا بكتب ده لنفسى علشان مش عاوز اى حد يعرف او يتدخل فى التحدى بتاعى ده ، مش عاوز اقول لأى حد يعرفنى أو أى حد من صحابى على انى بحبك ، حتى كلمه بحبك دى كانت فى الاول اعجاب لأنى ما كنتش اتعرفت عليكى ، بس اول ما اتعرفت عليكى اتقلب الاعجاب ده حب ، حب بجد، حب كبير اوى و مش عارف رايح على فين
Sunday, November 05, 2006 11:22:00 PM

بالرغم ان الطريق اللى انا اخترته علشان اوصل بيه ليكى طويل و صعب و غريب حبتين ، عامل زى الافلام و ما بيحصلش فى الحقيقه ، وإن انا امثل دور طالب زيك فى نفس السنه بتاعتك و احضر معاكى كل الدروس و المحاضرات مع الدروس التانيه و المحاضرات التانيه بتاعت السنه الحقيقيه اللى انا فيها ده طبعا حمل كبير اوى عليه و خاصه ان السنه اللى انا فيها من اصعب و اكبر السنين فى الكليه ، بس كل التعب ده بيروح فى ثانيه لما اشوفك فيها و اتكلم معاكى ، النهارده انا قلبى كان مبسوط جدا لما انت اول ما شوفتينى و روحتى مديالى هاى فايف و سلمتى عليه كويس ، و بعد المحاضره اتكلمت معاكى شويه ، انا حاسس كل مره لما باقابليك انى بقربك ليكى اكتر و اكتر و نفسى بقه يجى اليوم اللى انا اقدر اقوللك فيه انى بحبك
Tuesday, November 07, 2006 7:49:00 PM
انا لسه راجع حالا من الكليه و عاوز اقول لك انى كنت حاموت من الفرحه النهارده لما كنت ماشى ادامك و انت روحتى ناديالى باسمى ، ماتتصوريش قد ايه انا لما سمعت اسمى منك كإنى سمعت اسمى ده لأول مره بطريقه تانيه ، نفسى اسمع اسمى منك تانى و تالت و كل يوم ، يا رب يجى اليوم اللى انت تحبينى فيه علشان اقولك اللى جوايه ، انا مش عارف ازاى حاستنى التلات ايام الجايين لغايه لما اشوفك تانى فى الكليه ، مش قادر اصبر لغايه الاسبوع الجاى ، عاوز اشوفك كل يوم ، عاوز اقعد اتكلم معاكى ، عاوز اعرفك اكتر و انتى تعرفينى اكتر ، نفسى بقه يجى اليوم اللى اقولك فيه على الحقيقه
Thursday, November 09, 2006 3:00:00 PM
اول امبارح بعد المحاضره لما كنا بنتكلم مع بعض و عرفت ان اليوم ده هوه عيد ميلادك نزلت بعدها الشوارع ادور اجيبلك ايه...كنت مش عارف هل اجيبلك هديه من اساسو ولا لأ...علشان انا لسه متعرف عليكى من قريب و كنت بافكر اكلم ميكو علشان اسأله... بس قولت لنفسى انى الوقتى قادر انى اتخذ قرارى الشخصى بنفسى و ممكن اعرف عواقبه قبل ما اعمله و انا لما فكرت اجيبلك هديه قولت ان هوه ده الوقت المناسب انى اعبرلك بلمحه صغيره عن اعجابى بيكى... و علشان الايام بتجرى و الوقت اللى انا عاوز اقولك فيه انى بحبك قرب كمان فكان لازم اعرف برضه و لو بطريقه غير مباشره عن احساسك تجاهى...هل برضه بتبادلينى نفس الشعور و لا لأ...هل حاسسه انى بحبك و لا لأ...ساعات باحس انك عارفه انى بحبك... و ساعات باحس انك عارفه انى مش فى نفس السنه الدراسيه اللى انتى فيها... و ان فى حد قال لك عن سرى...المهم قررت انى اشتريلك هديه جميله... و نزلت الشوارع ادور فى كل المحلات مش لاقى هديه مناسبه ... لغايه فى الاخر لقيت هديه بسيطه ممكن توصل رساله حبى ليكى باسلوب رقيق... و امبارح لما اديتلك الهديه و انت فتحتيها و شفت ابتسامتك و فرحتك على وشك استريحت جدا...حسيت ان قلبى فرحان ليكى...و يا رب يفضل فرحان كده و ما يوقفش لحسن اموت
Tuesday, November 14, 2006 6:37:00 PM
مش عارف ليه النهارده حسيت انى مش قادر اكمل ، حاسس انى نطيت فى حياتك بالبراشوت من غير اى لازمه او مناسبه ، حاسس انى ما استاهلكيش و ان فى مييت واحد احسن منى بكتير ، فكرت و انا واقف جنبك النهارده و سألت نفسى : انتى حتحبينى ليه ؟ و علشان ايه ؟ انا فيه ايه ؟ اسألك انتى بتسمعى ايه فى الموسيقى تقوليلى انك ما بتسماعيش موسيقى خالص ، و لا عربى و لا اجنبى ، ما بتحبيش إن حد يغنى مع الموسيقى ، بتحبى تسمعى بس موسيقى كلاسيك ، معقول مابتسمعيش اغانى خالص ، طب بتتفرجى على افلام ايه ؟ تقوليلى انك ما بتحبيش تتفرجى على افلام ، ممكن لو فى فيلم بيتعرض تتفرجى على حتت منه بس ما تقدريش تتفرجى على الفيلم كله علشان بتزهقى ، طب بتعملى ايه فى حياتك غير المذاكره ، كنتى بتلعبى تايكوندو بس سيبتيه علشان انتى كنت لسه جديده فيه و الناس اللى كانوا بيلعبوا معاكى كانوا صغيرين فى السن ، انت بتحبى تلعبى تنس ، ممم ، مش عاوزه تسيبى البلد زى الناس كلها ما عاوزه تسافر ، عاوزه تقعدى فى البلد دى ، هايل ، مبروك ، طب كويس ، فضلنا واقفين دقائق ما بنقولش حاجه ، مش عارف اقول ايه ، اقول حاجه ، حاجه ، هل انا ممل ؟ هل جيت فى وقت غلط ؟ هل النهارده كان يوم بايظ كده كده من اوله ؟ انا مش قادر اكون صوره واضحه المعالم عنك ، انتى حسه انى غريب ، مريب ، جيت من غير ميعاد ، لازم امشى ، لازم اختفى ، بتسألينى ما بحضرش الدروس التانيه ليه ، المحاضرات التانيه ليه ، ده الامتحانات قربت ، انا عارف انها قربت ، بس انا مش قادر امثل الدور للاخر ، تعبت بجد ، ابقى فى مكانين و حتتين و بالين و فكرين فى نفس الوقت ، انا عارف انك عاوزه اعمل ستوب للتمثيليه دى ، بس مش عارف اعمل ستوب ازاى ، انتى اعملى ستوب ، انا رافع اديه اهو و مستسلم و عاوزك تكشفى سرى ، عاوزك تعرفى حقيقتى ، انا تعبت من الكدبه الكبيره دى ، انا عاوز اختفى من حياتى قبل ما اختفى من حياتك ، انا بحبك.
Sunday, November 19, 2006 7:17:00 PM
النهارده انا رحت الكليه مخصوص علشان اشوفك ، انت وحشتينى جدا، جدا جدا جدا ، و فضلت واقف استناكى ، كل الطلبه طلعوا من المحاضره بس انت لأ ، انت فين ، انا مش شايفك ، شربت واحد نسكافيه و فضلت قاعد على العربيه استناكى ، بعدين شربت كابوتشينو و فضلت قاعد على السور استناكى ، روحت السنتر علشان اشوفك روحتى الدرس و لا لأ ، انت ماجتيش النهارده ، معقول ، انا زعلت جدا انى ماشوفتكيش النهارده ، يمكن جيتى و انا ماشوفتكيش ، كنت محتاج اقف معاكى ، اتكلم معاكى ، طب اشوفك بس من بعيد ، خصاره انى امبارح لما شوفتك ما روحتش اتكلم معاكى ، علشان انا كان عندى درس مهم وقتها ، كان لازم على الاقل اروح اسلم عليكى ، بس انا كنت عارف انى لو روحت و وقفت معاكى ما كنتش حاروح الدرس ، زى كل مره لما باقف معاكى ، و شوفت السى تى ايى جاى من بعيد ، و فضلت ابص على كل الناس اللى واقفه فى الشارع يمكن عينى تلمحك ، و شاورت على الاوتوبيس ، وقف و فتح لى الباب ولقانى واقف ما بركابوش ، معقول اجى المشوار ده كله و ارجع البيت تانى من غير ما اشوفك ، بصيت تانى حوليه و طلعت الاوتوبيس و انا زعلان جدا ، و فضلت اسمع الاغنيه اللى انا اهديتهالك ، مره و اتنين و خمسين مره ، مع انى عارف انك ما بتحبيش تسمعى اغانى ، لغايه لما وصلت البيت و نمت فى السرير علشان الايام اللى جايه تعدى بسرعه و يوم الحد يجى بسرعه تانى و اشوفك تانى و تالت و عالطول ان شاء الله
Thursday, November 23, 2006 4:47:00 PM
و جاءت النهايه الدراماتيكيه ، النهايه التى كنت اشعر بقدومها ، لما كنت واقف معاكى بعد المحاضره ما خلصت و بنتكلم مع بعض و فجأه جات واحده بنت تعرفك و تعرفنى و طبعا اول ما شافتنى قالتلى اخبار السنه اللى انت فيها ايه ، و طبعا انت سمعت ان السنه الدراسيه اللى هيه قالتها مش السنه اللى انا معاكى فيها ، يعنى انا كنت بامثل اللى انا فى السنه بتاعتك و انا اساسا فى سنه دراسيه تانيه خالص ، ماعرفش شعورك وقتها النهارده كان ايه بس انا بصراحه ما كنش هاممنى خالص ، المشكله ان لسه فاضل اربع تيام عقبال ما اعرف راسى من رجليه فى الحدث اللى حايغير حياتى تماما ، و المفروض بعد ما اعرف الحقيقه اللى بعد اربع تيام ان شاء الله ، على اساسها كنت حاكرر ان اقوللك الحقيقه و لا اختفى من حياتك خالص ، يا رب يوم الخميس اللى جاى ان شاء الله ان شاء الله يكون يوم خير و فرحه و راحه نفسيه ليه ، و اقوللك بأعلى صوتى انى بحبك
Monday, November 27, 2006 8:29:00 PM
انا قررت خلاص بكره إن شاء الله أنى اقولك على الحقيقه، حقيقه انى معجب بيكى ، و انى بحبك ، و يارب الامور تمشى بكره إن شاء الله على خير ، و على فكره عندى امتحان الميد تيرم بعد بكره ، و إن شاء الله رد فعلك لما تعرفى الحقيقه يكون ...حيكون ازاى؟
Saturday, December 02, 2006 6:39:00 PM
لما وقفت ادامك النهارده علشان اقولك على الحقيقه ماعرفتش،و شفتك خارجه مع الولد كوول من باب الكليه... باللمت... رجعت البيت مكتئب و انا عندى بعد بكره امتحانات،لسه اليوم ماجاش
Sunday, December 03, 2006 7:27:00 PM
اليوم قولتلك...اليوم عرفت قد ايه صعب ولد يقول لبنت انه معجب بيها...اليوم السماء امطرت لأول مره فى هذا الشتاء
Tuesday, December 05, 2006 10:17:00 PM
today you gave me the best gift I have ever had in my birthday,thank you,I love you.
Sunday, December 10, 2006 9:23:00 PM

انا كنت بقالى كتير اوى اوى ما شوفتكيش... من قبل العيد كان عندك امتحانات ... و بعد العيد كانت امتحانات نص السنه ... يعنى تقريبا اكتر من 9 اسابيع و انا نفسى اوى اشوفك و اتكلم معاكى ... و كنت بتصبر انى بعمل شات معاكى ... و فرحت اكتر لما اديتيلى التليفون بتاعك ... و خلصت الامتحانات و بدأت اجازه نص السنه ... و قولت ان شاء الله دى تبقى فرصه كويسه انى اقابلك فيها ... كان يوم الخميس و قولت لى انك يمكن تروحى النادى بالليل... استنيت و استنيت و استنيت تليفونك بس ما طلبتنيش... قابلتك فى الشات يوم الجمعه بالليل و قولت لى انك كنت فى النادى بس لمده خمس دقايق بس علشان كان فى حد المفروض ياخد صاحبتيك من هناك و بعديها روحتى البيت عالطول... قولت خلاص مش مشكله بالرغم انى كان نفسى اشوفك بس...ان شاء الله خمس دقايق بس... اتفقنا اننا نخرج مع صحابك يوم السبت... قولت لك حاتبقى الخروجه الصبح و الا الضهر و الا بالليل ما ردتيش عليا فى الموضوع ده و قولت لى انك حاتكلمينى ... و جه يوم السبت و لاغيت كل الارتباطات اللى عندى و صحابى بقوا يكلمونى و يقولولى يلا نخرج اقوللهم انا اسف مش حاخرج... قعدت فى البيت استنى تليفونك.. و فعلا كلمتينى الساعه 9 بالليل و قولتى لى انك مش حاتقدرى تخرجى مع صحابك لأنهم راحوا سيتى ستارز بس انك رايحه الوقتى الزمالك تقابلى ناس صحابك من الساحل الشمالى ... قولتلك خلاص بعديها ان شاء الله نتقابل فى اى حته...قولت لى خلاص نروح النادى و انا حابقى اكلمك قبل ما امشى من الكافيه اللى فى الزمالك... و قعدت استنى و استنى و نزلت النادى و قعدت استنى فى النادى و الساعه الوقتى 10 و استنى و استنى و الساعه بقت 11 و ربع فكلمتها و قولتلها انتى فين قالت لى انها فى البيت و لسه جايه من هناك و كانت حتتصل بيه... قولتلها انى فى النادى... طب ليه ما اتصلتيش قبل ما تسيبى المكان هناك...قعدت تتأسف و تقول انها مش قصدها...و ليه نزلت النادى من غير ما اقوللها... قولتلها لأنى عاوز اشوفها...ان شاء الله دقيقه واحده... قالت لى معلش و انها مش قصدها... روحت بعدها سميليز و اشتريت اتنين ساندويتش بيتزا هوت دوج و بيبسى و قعدت اكل و اكل و اكل بالرغم انى ما كنتش جعان... و رجعت بالتاكسى البيت و سألت السواق عن معنى اللى حصل... قال لى يبقى هيه ما بتفكرش فيك اوى كده زى ما انت بتفكر فيها أو هيه بتتقل عليك شويه... قولت له و النبى انا مش ناقص الكلام ده دالوقتى و رجعت البيت و نمت فى السرير بالرغم انى ما كنتش عاوز انام من اساسو و لقيتها بعتتلى ماسج تقول لى انها اسفه
Sunday, January 28, 2007 1:56:00 PM

this is a part of my last chat with egyptian shakira 20/3/2007 17:34
bel says:i wana b honest 2 ws
bel says:till now I feel nothing towards u more than a friend !
bel says:I dunno how ths feeling wud change 2 smethng else !
bel says:heyyy
bel says:did I say nythng wrong ?
ws says:no
bel says:we're gud frnds & we get along talking wth each other & trust me u like me as afrnd
bel says:i kbnw ths
bel says:bas el fekra
bel says:en wn u saw me
bel says:u liked in me being as natural as u r
bel says:bas ths wudnt make u like me except as a frnd !
ws says:what made u think like that?
bel says:i knw it !~
ws says:i dont know what to say now
bel says:y
ws says:i dont know
bel says:isnt it true?
bel says:u deserve someone better thn me in many ways.

8 comments:

Faisal said...

Here's wishing things work out.

walladshab said...

انا شفتها النهارده فى الكليه بس كانت واقفه مع شويه ناس ، ماكنتش عارف اروحلها و لا لأ ، و بعدين مش عارف اروحلها و أقولها ايه يعنى ، انى معجب بيها و لا انى عاوز ابقى من صحابها ، شكلى حيبقى عبيط ، كنت بافكر اقولها كل حاجه بصراحه ، ان فى مصر هنا صعب الواحد يتعرف على بنت خبط لزق ، و اقول لها انها مثل واقعى للمشكله ، أو ممكن اقولها انى كتبت عنها فى البلوج و اديها العنوان و تقراه بنفسها ، فضلت افكر لغايه لما مشيت من ادامى ، لما اشوف بكره حتجرأو لا لأ... يا جماعه حد يدعيلى كده فى التراويح

Anonymous said...

انت في كليت ايه جامعت ايه؟
انا فاكرك عايش بره مصر

walladshab said...

ياريت بره،انونيموس عاوز تعرف انا فى كليه ايه و جامعه ايه ليه بس ؟
انت بنت و عاوزه تتعرفى عليه و لا ولد و عاوز يروح يدور على شاكيرا المصرى هناك؟

Anonymous said...

Simply , an egyptian guy .

Anonymous said...

Repost!!
.
.
.
.
of my first crush :/
my only crush :/
i'd better call it love :/

AbdAllah said...

the last comment was by me : AbdAllah
forgot to put my name

WS said...

;)