EgypToz: الشغالة بت الشغالة

Tuesday, July 11, 2006

الشغالة بت الشغالة


البت الشغاله دى اللى بتشتغل عندى عفروته و مفعوصه و بتنرفزنى كيك...اجى يمين تيجيلى شمال... اقولها تنضف فوق...تنضفلى تحت...حاجه تقرف...و اليومين دول صعب الواحد يلاقى شغاله كويسه...بصراحه انا مابحبش الشغالين الصغيرين دول علشان بيدلعوا طول النهار...يا بيه عاوزه اكل...يا بيه عاوزه اشرب...يا بيه عاوزه استريح...ماتستريحى ياختى هوه حد حايشيك...ما اصل الشغالين بتوع اليومين دول بقوا عندهم بوق بيتكلم...و عندهم رأى و وجهة نظر برضه لازم تحترم...بس يا بت انتى روحى اجرى بعيد داهيه تخدك...و كل شويه اهددها و اقولها حصورك...لو نرفزتينى حصورك...طب ما انا مصورك...اضحكى...اضحكى بقه...ايه الضحكه دى...مين البعبع اللى طالع فى الصوره ده...يا مامى ...ده انتى تخوفى بجد...لأ حرام...متعيطيش...خلاص بقه... بهزر معاكى...هوه احنا حنقعد نرغى و لا ايه... ياله يا بت انجرى روحى شوفى شغلك

5

6 comments:

ألِف said...

ما تهاجر بها أمريكا!

~ se3loah ~ said...

LOL!!
عشان كذا شغالين اليومين دول أي كلام

أنت اتركهم بحالهم ويصيرون تمام

pepa said...

تصدق.. انا اول مرة ادخل مدونة حضرتك، عشان موضع
i am missing my religion

وقلت اخد جولة، بس ازعجتنى جدا جدا التدوينة دى!

هل انت استأذنت البنت انك تنشر صورها العبيطة دى؟

هو مش البنت، اللى تقريبا فقدت اسمها او اهلها نسيوا يسموها ، فحضرتك انعمت عليها بلقب الشغالة بنت الشغالة ، هل البنت دى مش ليها حق فى شكلها يبان للناس بالصورة دى ولا لا؟

وبعدين يا فندم يعنى لما تتكلم عن فئة من الناس يعنى ، يبقى يكون باحترام اكتر من كده.. ولا ايه؟

ما تفرقش بقى شغالين ولا بيبيعوا بصل..طالما هما مش حرامية ولا ضباط!!

ومتشكرين انك اديتنى المساحة اللى اعلق فيها واقول رأيى

au revoir!

walladshab said...

I am very happy that you have responded to this post pepa,because this means that I have touched somebody's soul with my provocative post,of course I do not want to hurt her by any means,but her mother-the actual maid in our house-brings her 3 children everytime she comes,and this girl just annoys me all the day long,I do not want this little girl to come because this is not the right place to work,we have to find a solution to end child labor in Egypt,and I will be glad to see your other comments pepa.

dark man said...

للعلم البنت دى زى العسل وملامحها حلوه جدا بس العيب فى الطريقة اللى بيتكتب بيها وظلم البشر اللى ساعدوا فى اتشار قتل الطفولة واستخدامهم فى التشغيل بالصوره دى مش عيب يكون فى غنى وفقير العيب ان يكون فى ناس تنسى حق الله على الفقير وشوف بقى راتب البنت الصغيره تلاقيه ملاليم البنت دى ممكن بالاهتمام والعطف وكفالة الفقراء على حق الله تصير حاجه مهمه فى المجتمع

dark man said...

وانا عارف من اسمى دارك مان حتقول تلاقيه اسود خدام عشان صعبت عليه البنت ولو ده كان رايك حاقول يمكن الاسم ده تواضع او تخفى وتبقى بردوا شوفت الامور بطريقة عنصريه ونسيت اصل الكلام وا راح يكون غريب لانك عنصرى فى اصل الموضوع