EgypToz: حب كلاب سندويتش

Monday, June 26, 2006

حب كلاب سندويتش

وجدتها
كنت بذاكر فى النادى لما لقيتها جيه تقعد على الترابيزه اللى جنبى
فضلت باصصلها
ضحكتها عامله زى اللؤلؤ
وجهها طفولى جميل
سرحت فيها
هيه طبعا حست انى ببصلها
فبصتلى
كانت كل شويه عاوزه تشوف انا لسه ببصلها و الا لأ
كانت بتلقينى لسه باصصلها
طب و بعدين
سبت المذاكره و قعدت افكر فى الخطوه الجايه
لازم ابقى جرىء شويه
طب يعنى اعمل ايه يعنى؟
اروحلها و اقولها انى معجب بيها قوى
طب لو كانت قاعده لوحديها كنت و الله ممكن اعملها
بس المشكله انها كانت قاعده مع صحابها
بنات و ولاد
و فيهم الولد البطل بتاع فيلم اوقات فراغ
و طبعا البنات كلها قاعده حوليه
و عماله تقوله ايه يا عم الافلام الجامده دى
و كل ما حد يعدى يبص على الولد ده
خلاص بقى مشهور
مش حاجى انا فى وسط القاعده و اروحلها و اقولها انى عاوز اكلمها فى حاجه مهمه و هى اساسا ما تعرفنيش
هى على الاقل عارفه من بصتى ليها انى معجب بيها جدا
و بعدين
و المصيبه لو طلعت مصاحبه و الا كمان مخطوبه
اريت فيها يا ايجيبت ايز ماى دريم...جرايت ايفينت ايه بس
اصل ده مش اكسبريمنت... ده حقيقه ... واقع... مش عاوز اعمل اى غلطه هبله من اولها
اعمل ايه
الحاجه الوحيده اللى عارفها انى حاروح النادى النهارده
يمكن الاقيها تانى

6 comments:

Egypt is MyDream said...

LOL..!!!

ماتعملش حاجة ..المفروض عشان تبقى ماشى طبيعى

و بأفكار مسلسلةو مرتبطة ببعضها ..إنك تستنى هى اللى تيجى تكلمك

LOOOOL + TOZ

Anonymous said...

نادي ايه ده؟
ممكن اتقابل مع حضرتك
ما شفتش مدونين مراهقين قبل كده

el-amiro said...

Cute.

Reminds me of my teenage years.

Head over heels.

luv da Lord :) said...

السلام عليكم
احم احم

المشكلة انك مصرى :-P
لو كنت أجنبى ما كنتش بقيت لخـمـة

معلش بأه .. هتعمل إيـه :-P

OOOPS - SOORRYYY
:)(F)

eyeofbeholder said...

الله يكسفك بقي هي دي مشكلته مش عارف تكلم شرموطة؟انت بتبيض علي نفسك و حتلاقيها مصاحبة من غير كلام
و اهو الخول اللي مطلعينه بيعرف يمثل

luv da Lord :) said...

EYE ?!?!!
wt kinda language r u usin ?!
:S