EgypToz: Lina Ahmed Al Fishawy

Sunday, May 28, 2006

Lina Ahmed Al Fishawy


اوبه... مروه حامل
+
انا نفسى مره اورى الناس إن مش دايما الجواز العرفى بيبقى فاشل و علشان كده حاخد بالى من مروه و البيبى اللى جاى و اتحمل المسئوليه
+
ييييه ، ده انا ماصدقت و التزمت دينيا و قربت اكتر لربنا علشان اتوب تيجى مصيبه مروه ديه و تفضحنى بجلاجل... الناس مش حتسيبنى فى حالى ، هوه ما حدش من صحابى عاوز يروح معايا الجامع نصلى ليه
+
انا بحبك يا مروه بس ماما و بابا بيقولولى انك تدبيسه و حتلزاقيلى و لازم مورطش نفسى مع واحده زيك و إلا حيتبروا منى و مش حبقى خلاص ابنهم طول العم
ر
-
انا ليه مالبستش توبس ، ده انا اضرب نفسى ميت جازمه لو المرات الجايه مالبستش توبس
+
نفسى اهاجر لجزيره فى اخر الدنيا فيها ناس ماتعرفنيش ، بس مش حاقدر اهرب من هنا علشان الناس هنا كلها عارفانى
+
وا و ... أنا حبقى أب ، معقول حبقى أب ، أنا حاطير من الفرحه يا مروه ، ده انا بموت فى العيال... عاوزه تسمى البيبى ايه
+
بصى يا مروه ، احنا نتجوز رسمى فى السريع و بعدين تولدى عادى ولا من شاف و لا من دارى كإن مافيش حاجه حصلت
+
حرام والله ، بابا و ماما و الناس و الدنيا كلها ضدى ، طب خلاص غلطت و اللى حصل حصل ، نفسى فى حد ، حد واحد بس يقف جانبى ، مش معقول اتحمل نتيجه مجتمع مصرالازدواجي ده لوحدى
+
اوف ، كل الناس عماله تقوللى يا اخى ما كنت تتجوز على اصوله احسن ، طب انسى انى انا مشهور ، انا واحد عادى بحب واحده ، قولت لبابا و ماما انى عاوز اتجوزها ، قالولى انت لسه صغير يا حبيبى ، مش لما تكبر الاول ، و بعدين تلاقى شغل ، و بعدين تجيب شقه ، و بعدين تشوف طلبات عيليتها ، و بعدين ... قولتلهم بس ، كفايه كده ، كل ده علشان اتجوز واحده ، طب انا مش عاوز اتجوز خالص ، خلينى احسن مع السليفيليشان

3 comments:

Geddo Iskandar said...

3aref law bt7eb marwa ...

kont fakart bel msha2leb ;)

m4m said...

هى مروة ولا هند ؟
تصور كنت فاكر اسمها هند ؟

http://malayalzam.blogspt.com

walladshab said...

Marwa or Hind or Magda or Ayman or Ahmed or Hussein...it is fiction