EgypToz: Egyptanamo

Monday, April 10, 2006

Egyptanamo

فى فيران بيضه... و فى فيران سوده... بس القطط الجهنميه مابتفرقش بين الأبيض و الأسود... الفيران خطر... مش بس علشان بتعض... لأ علشان بتأرئض... والفيران كتير... علشان كده لازم يكون فى إباده جماعيه للفيران... بس القطط تعمل ايه لو ما فيش فيران... علشان كده قرروا يلعبوا بالفيران ... و يعملوا عليهم تجارب كمان... يشيلوا سنان فار...أو يقطعوا ديل فار... أو يكهربوا فار...أو يكووا فار... ده صوت صريخ الفار لذيذ... و الفيران يعرفوا انهم كتير... و الفيران يعرفوا إن فى كلاب... بس الفيران ميعرفوش انهم فيران

2 comments:

عبدالله النديم said...

امتى الفيران يعرفوا انهم ممكن يغلبوا القطط ويبطلوا هروب من ادام القط ويخلوه ينونو

walladshab said...

لما الفيران يعرفوا انهم فيران،و بعدين يتحدوا لأن فيران كتيره ممكن تغلب القطط،و بعدين يقتنعوا ان مش كل الكلاب وحشه و مبسوطه من لعب القطط مع الفيران